د مدني ټولنو یو شمیر غړو د پوهنې وزیر له مثبتو کارونو څخه ستاینه وکړه
پوهنې وزارت- کابل: د مدني ټولنو یو شمیر غړو د پوهنې وزیر ډاکتر محمد میرویس بلخي سره په لیدنه کې د ښوونې او روزنې په برخه کې د مثبتو اصلاحاتو او غوره ښوونیزو خدمتونو د راوستلو په موخه د پوهنې له وزیر څخه ستاینه وکړه.
د پوهنې وزیر دا لیدنه د ولسي لیدنو په لړ کې تر سره شوه.
ډاکتر بلخي د مدني ټولنو غړي د پوهنې همکار یاد کړل، او له هغوي څخه يې وغوښتل چې د کتایونو کور په کور راټولولو په کمپایل کې، د ښوونځي څخه د پاتې ماشومانو په ځانګړي ډول د نجونو شاملیدو لپاره د پوهاوي پروګرامونو تر سره کول، او د مور او پلار، ښوونځيو شوراوو د ملګریتا کلتور ته وده ورکول د زده کوونکو سره د سمون د لارو چارو را مینځ ته کولو په موخه همکاري وکړي.
پوهنې وزیر همدارنګه د پوهنې وزارت او مدنې ټولنو ترمینځ د همکاري طرحې د وړاندي کولو خبر ورکړ.
د مدني ټولنو غړو په دې غونډه کې د ډاکتر بلخي له وړاندیزونو څخه هر کلۍ وکړ او د پوهنې وزارت سره يي په دوامداره همکاري ژمنه وکړه.
