د لوگر د پوهنې ریاست ودانۍ بیا ورغول شوې
د پوهنې وزارت، لوګر: د لوګر د پوهنې ریاست د شته درېیو بیلا – بیلو ودانیو د بېرته رغولو کارونه بشپړ او د کارکوونکو د استفادې وړ وګرځیدې.
یادې ودانۍ د پوهنې وزارت د پراختیایي بودجې له لارې د شاوخوا ۲،۹ میلیونه افغانیو په لګښت بیا رغول شوې دي.
د نوموړو درېیو واړو ودانیو د ننه او د باندې برخو ته نوی رنګ ورکړل شوی او هم ویجاړې شوې برخې یې بیا رغېدلي دي.
د لوګر د پوهنې سرپرست رئیس نثار احمد سیدي د نوموړو ودانیو په بیا رغونې خوښي څرګندوي او زیاتوي، چې د دغو ودانیو په بېرته رغولو سره د دې ریاست د کارکوونکو هغه ستونزې، چې د ودانیو د خرابوالي په برخه کې یې لرلې حل شوې.
د یادونې وړده، چې د لوګر د پوهنې په ریاست کې دا مهال ۱۹۶ کارکوونکي پر دندو بوخت دي.
