د لوګر په ښوونځیو کې د ۲۶۹ مسلکي ښوونکو د ګمارنې پروسه پیل شوه
د پوهنې وزارت، لوګر: د لوګر ولایت د نجونو او هلکانو په یو شمېر ښوونځیو کې د ۲۶۹ نارینه او ښځینه مسلکي ښوونکو د ګمارنې پروسه پیل شوه.
یاده پروسه د اداري اصلاحاتو او ملکي خدمتونو د خپلواک کمېسیون د لارښوونې له مخې پیل شوه، چې یوه اوونۍ به دوام وکړي.
د نوموړې پروسې له لارې، ۲۱۴ نارینه او ۵۵ ښځینه ښوونکي، چې د کانکور ازموینې له لارې د ښوونکو خالي بستونو ته نوي بریالي شوي ګمارل کېږي.
د نوموړو ښوونکو په ګمارنې سره به په ښوونځیو کې د مسلکي ښوونکو د کمښت ستونزه تر یوه حده هواره شي او هم به د مسلکي ښوونکو په شمېر کې ډېروالی راشي.
