د لوګر ولایت په مرکز کې یوباب ښوونځي لپاره کمپیوټرخونه جوړه شوه
د لوګر ولایت د پل علم ښار صلاحالدین ایوبي منځني ښوونځي لپاره د کمپیوټر یو عملي ټولګی جوړ او پرانیستل شو، چې په عصري تخنیکي وسایلو سمبال دی.
یاد ټولګی د پوهنې وزارت په همغږۍ او د یوهمکار بنسټ په مالي ملاتړ فعال شوی، چې شاوخوا ۳۱۰ زره افغانۍ لګښت پرې راغلی دی.
په دې برخه کې ۱۵ پایې ډېسکټاپ کمپیوټرونه، یوه برېښنایي تخته، ۳۰ مېزونه او څوکۍ او نور اړوند وسایل شامل دي، چې په فعالېدو سره به زدهکوونکو ته د کمپیوټر عملي زدهکړې زمینه برابره شي.
د یادونې وړ ده چې تېر کال هم د پوهنې وزارت لخوا د همدې ښوونځي لپاره یوه عصري او مجهزه ودانۍ د ۳۰۰ زره امریکایي ډالرو په لګښت جوړه شوې وه، چې اوس د زدهکوونکو له لوري ترې استفاده کېږي.
