د لوګر ولایت د مدیرانو، سرښوونکو، ښوونکو او د ښوونځیو شوراګانو غړو لپاره د وړتیا لوړولو پروګرامونه پیل شول
د لوګر ولایت پوهنې ریاست د مرکز او ولسوالیو د یو شمېر ښوونځیو ۳۴۰ تنو مدیرانو، سرښوونکو، ښوونکو او د شوراګانو غړو لپاره دوه، پنځه او شپږ ورځني روزنیز پروګرامونه تنظیم کړل.
یاد پروګرامونه له پوهنې ریاست سره په همغږۍ او د یوې مرستندویه ادارې په همکارۍ چمتو شوي دي، چې موخه یې د مسئولینو او ښوونکو د پوهاوي او وړتیاوو لوړول دي.
تمه کېږي چې ۴۰ تنه مدیران او سرښوونکي، ۳۰۰ تنه ښوونکي او د ښوونځیو شوراګانو غړي به د همدغو پروګرامونو له علمي لاسته راوړنو څخه ګټه پورته کړي، کوم چې په تدریسي کیفیت باندې به خورا مثبته اغېزه ولري.
