د فاریاب ولایت د ښوونکو مسلکي پراختیا علمي غړو لپاره مسلکي سیمینار دایر شو
د پوهنې وزارت د روزونکو له لوري، د فاریاب ولایت په مرکز او ولسوالیو کې د ښوونکو مسلکي پراختیا د ۱۲۲ تنو علمي غړو لپاره د "اغېزمن تدریس او زده کړې" په نوم د وړتیا لوړولو سیمینار پیل شو.
یاد غړي د خپلو مسلکي مهارتونو لوړولو لپاره د تدریس له نويو او معیاري مېتودونو سره بلد شي.
د فاریاب پوهنې رئیس محترم مولوي حمیدالله ارشاد په خپله وینا کې ګډونوالو او مېلمنو ته د ښه راغلاست ترڅنګ، د دې سیمینار منځپانګه اغېزمنه وبلله او ویې ویل: د سیمینارونو او علمي غونډو جوړول به د ښوونکو د تدریسي کچې معیار لاپسې لوړ کړي او د تدریس په مېتود کې به مثبت بدلونونه راولي، چې بې له شکه به د پام وړ مثبتې پایلې ولري.
