د غزني ولایت له دیني مدرسو څخه د بشري سرچینو او ادارې معین لیدنه
د پوهنې وزارت د بشري سرچینو او ادارې معین شیخ الحدیث مولوي سعیداحمد شهیدخیل غزني ولایت ته سفر وکړ. په دغه سفر کې، چې د خصوصي زده کړو رئیس مولوي عبدالرحمن حمیدي، د پوهنې وزارت د دارالعلومو رئیس مولوي عبدالقدوس قدوسي او د پوهنې وزارت د قوانینو او پالیسۍ رئیس مولوي محمد رحیم ایوب ورسره ملتیا کوله د دغه ولایت له مدرسو او د پوهنې له ادارو څخه لیدنه وکړه.
دغه پلاوي د غزني ولایت د پوهنې رئیس مولوي محمد منیر منصور په حضور کې د غزني ولایت د مظهر العلوم مدرسې او د مفتاح العلوم د شهید قاري احمدالله تقبل الله اړوند مدرسې څخه لیدنه وکړه او د د يادو مدرسو پر کیفیت یې ټینګار وکړ او د ښه والي په موخه يې يو لړ لارښوونې ورته وکړې. او د يادو مدرسو له ادارې او يو شمېر ممتازو زده کوونکو سره يې نغدي مرستې هم وکړې.
