د سمنګان او بدخشان ولایتونو د پوهنې نوي رئيسان معرفي شول
د پوهنې وزارت د وړاندیز او د ا.ا.ا. د رياست الوزراء عالي مقام په منظورۍ، الحاج مولوي نصرت الله فیضاني چې پخوا یې د سمنګان ولایت د پوهنې د رئیس په توګه دنده ترسره کوله، د بدخشان ولایت د پوهنې د رئیس په توګه وټاکل شو او د بدخشان ولایت د پوهنې پخوانی رئیس مولوي محراب الدین اقبال د سمنګان ولایت د پوهنې د نوي رئيس په توګه وټاکل شو.
د سمنګان ولایت د پوهنې نوي رئیس د پېژندګلوۍ په مراسمو کې، د ياد ولایت د مقام دفتر رئيس مولوي سعدالله صمیم او د سیمه ییزه ادارو مسئولینو هم حضور درلود.
مسئولینو په خپلو خبرو کې په ادارو کې بدلون یو له مهمو اداري اصولو څخه یاد کړ او نویو ګمارل شویو رئیسانو ته یې د الله تعالی له درباره څخه د بریالیتوب هیله وکړه.
دغه راز مسئولينو د سمنګان ولايت د پوهنې رياست له کارکوونکو او منسوبينو څخه وغوښتل، تر څو په ورسپارل شويو دندو کې په صادقانه توګه کار وکړي او له مراجعينو سره ښه چلند وکړي.
مراسم په دعائيې سره پای ته ورسېدل.
