د دایکنډي ولایت ښوونځیو لپاره د کتابونو او درسي موادو وېش لړۍ پیل شوه
د دایکنډي ولایت د ښوونکو او زدهکوونکو لپاره د خېمو، کتابونو او درسي موادو وېش لړۍ، د یاد ولایت پوهنې مسئولینو په حضور کې پیل شوه.
په دغو کڅوړې کې لاندې مواد شامل دي:
د لومړنیو ښوونځیو زدهکوونکو لپاره ۱۹۶۱ کڅوړې، د ښوونکو لپاره ۹۸۳ ځانګړې بستې، د ښوونځیو لپاره ۴۳۱ اداري کڅوړې، د ځوانانو لپاره د تعلیمي موادو ۲۶ کڅوړې، د لومړنیو ښوونځیو زدهکوونکو لپاره ۱۸ جعبې درسي مواد، ۳۱ پایې خېمې او د صنفي اصولو زدهکوونکو لپاره ۱۱۸۴۳ ټوکه درسي کتابونه، چې د پوهنې وزارت سره د یوې همکارې ادارې لخوا چمتو او په یاد ولایت کې به ۳۹ زره ۲۲۰ تنو زدهکوونکو ته ووېشل شي.
د دایکنډي ولایت پوهنې چارواکو په وینا؛ د یادو تعلیمي کڅوړو په وېشلو سره به د لومړنیو ښوونځیو درسي موادو ته د لاسرسي ستونزې حل او په محرومو سیمو کې به د زدهکړې کیفیت لالوړوالي برخه کې یو مهم ګام پورته شي.
د پوهنې وزارت مشرتابه د خپلو همکارو ادارو د مرستې او ملاتړ څخه مننه کوي.
