د جلریز ولسوالۍ علم پروره خلکو د غلام حضرت شهید عالي لېسې سره مرسته وکړه
د میدان وردګ ولایت د پوهنې ریاست مسئولینو په هغه غونډه کې چې د جلریز ولسوالۍ د پوهنې ریاست له چارواکو او د یادې ولسوالۍ د غلام حضرت شهید عالي لېسې د شورا له غړو سره جوړه شوې وه، د همدغه ولسوالۍ د پوهنې آمر وویل: د جلریز ولسوالۍ خلکو د ۱۴۰۳ تعلیمي کال له پیل څخه تر اوسه د غلام حضرت شهید عالي لېسې د بیارغونې او ترمیم په برخه کې ۴۷۶ زره افغانۍ مرسته کړې ده.
د نوموړي په وينا، يادې مرستې په ترميم، د پاکو اوبو د څاه په کيندلو، د اوبو رسولو سيسټم پر فعالولو او د لمريزې برېښنا د شبکې په نصبولو او نورو برخو کې لګول شوې دي.
د پوهنې وزارت رهبري د میدان وردګ ولایت د جلریز ولسوالۍ له اوسېدونکو څخه د یادو مرستو له امله مننه کوي.
