د بلخ له پوهنې ریاست څخه خبرونه
د بلخ ولایت د پوهنې رئیس الحاج مولوي عبدالجلیل شهیدخېل د ۱۴۰۲ هـ .ل کال لپاره د ښوونیزو بنسټونو د احصایوي راپورونو د مهمو فورمونو د زده کولو په ویډیويي کنفرانس کې چې د الحاج مولوي عبدالخالق صادق تر څارنې لاندې جوړ شوی و ګډون وکړ.
د پوهنې وزارت د کیفیت د تضمین معین د ښوونځیو د شمېر، د ښوونکو او زده کوونکو، د ښوونځیو د شته وسایلو او نورو مهمو احصایوي چارو په اړه لازمې لارښوونې وکړې.
د بلخ ولایت د سواد زده کړې د آمریت مسؤلینو او کارکوونکو د مزارشریف ښار او دهدادي، چهارکنت، چمتال، شورتپې، کشنده، چهاربولک دولت آباد، شولګرې او مارمل ولسوالیو کې د سواد زده کړې د ټولګیو د ښوونیزو فعالیتونو د څارنې په پروګرام کې ګډون وکړ.
نوموړو په دې کاري سفر کې د ښوونیزو چارو د ښه والي په موخه د یادو ټولګیو له مدیرانو او ښوونکو سره لیدنه او کتنه وکړه.
د بلخ د تعلیمي څارنې غړو په مزارشريف ښار کې د خصوصي ښوونځيو د کمپيوټر او لابراتوار له درسي خونو څخه ليدنه وکړه.
د بلخ ولايت د ښار او د دهدادي ولسوالۍ د ښوونځيو ترمنځ د پسرلنيو سياليو په دوام کې د قاضي حميدالدين لېسې د واليبال لوبډلې د مقصد الله شهيد لېسې ته په ۲-۰ ماتې ورکړه.
د بلخ ولسوالۍ د پوهنې آمر د پاملرنې مؤسسې له شپږ ورځني سيمينار څخه، چې د يادې ولسوالۍ د سيمه ييزو ښوونيزو ټولګيو د ښوونکو د ظرفيت لوړونې په موخه جوړ شوى و، ليدنه وکړه.
د بلخ د پوهنې رياست د څارندوی عمومي مديريت د دغه ولايت د استقلال لېسې د څارندوی ټيم له فعاليتونو څخه څارنه وکړه.
چند خبر مختصر از ریاست معارف ولایت بلخ
