د بدخشان ولایت د کشم ولسوالۍ پوهنې آمریت ودانۍ د ۷ مېلیونه افغانیو په ارزښت ورغول شوه
د بدخشان ولایت د کشم ولسوالۍ د چارواکو، ښوونکو، د ښوونځیو منسوبینو او د سیمې اوسېدونکو په مالي مرسته، د یادې ولسوالۍ د پوهنې آمریت ودانۍ ورغول شوه او د یو لړ مراسمو په ترڅ کې چې د دې ولسوالۍ پوهنې مسئولینو او د سیمه ییزو ادارو استازو په کې ګډون درلود، پرانیستل شوه.
د ياد ولايت د پوهنې مسئولينو د څرګندونو له مخې: د کشم ولسوالۍ د پوهنې آمریت نوې ودانۍ، د درسي او اداري خونو په لرلو سره د ۷ مېلیونه افغانیو لګښت سره، دوو پوړونو کې په پاخه او اساسي ډول جوړه شوې ده.
د پوهنې وزارت رهبري د کشم ولسوالۍ له اوسېدونکو مننه کوي، چې د یادې ولسوالۍ د پوهنې آمریت ودانۍ یې په پاخه او اساسي ډول رغولې ده.
