د باميان ولايت پوهنې رئيس د خصوصي ښوونځيو له یو شمېر زده کوونکو سره وکتل
د باميان ولايت پوهنې رئيس قاري عنايت الله سهار د یاد ولايت د مرکز اړوندو يو شمېر خصوصي ښوونځيو له زده کوونکو سره په خپل کاري دفتر کې وکتل.
د پوهنې رئیس یاد ماشومان د افغانستان راتلونکي جوړونکي وبلل او له هغوى يې وغوښتل چې په ښه توګه زده کړې وکړي، تر څو په راتلونکي کې د خلکو او هېواد لپاره د ګټورو چوپړونو مصدر وګرځي.
يادو زده کوونکو هم په ليوالتيا سره د خپل مسلک راتلونکې موخې رهبرۍ ته بيان کړې او ويې ويل چي موږ د خپلو زده کړو ترلاسه کولو په لاره کې د هلو ځلو ترڅنګ غواړو ډاکټران/ انجنیران شو او خپل هېواد آباد کړو.
د غونډې په پای کې د خصوصي ښوونځیو زده کوونکي د پوهنې ریاست د رهبرۍ لخوا په ډالیو ونازول شول.
