د افغانستان د ازادي د سیلمي کلیزي په ویاړ په زابل کې د مقالو اوترانو ویلو جشنواره ولمانځل شوه
پوهنې وزارت _ زابل: د افغانستان د ازادي د سیلمي کلیزي د راتلو په مناسبت د زابل ولایت د پوهني ریاست لخوا د زابل ولایت د مرکز اړوند دقلات ښار د ښوونځیو د زده کوونکو تر مینځ د مقالو او ترانو ویلو جشنواره دپوهنې ریاست د غونډو په تالار کې ولمانځل شوه.
په هغه غونډه کې چې له همدې امله جوړه شوي وه د زابل ولایت د پوهنې ریاست مرستیالانو، د دولتي ادارو ریسانو، قومي مشرانو، دیني عالمانو، او د بیلابیلو ښوونځیو ښوونکو او زده کوونکو ګډون کړی درلود.
د زابل د پوهنې ریاست تدریسی مرستیال د غونډي ګډونوالو ته ښه راغلاست تر ځنګ د پوهني د اهمیت ، ازادي، او د اماني فکر او تګلاري په اړوند خبري وکړي.
وروسته د زابل د پوهنتون رئیس محترم رحمت الله کاکړ د خپلواکۍ او استقلال پر ارزښت او شاه غازي امان الله خان پر ژوند هڅو او کوښښونو خبری وکړي او هغه يې د هېواد معارف معمار وباله.
د غونډې په دوام له ښوونځیو څخه د راغلو زده کوونکو له لوري د ازادي او خپلواکۍ لپاره مقالۍ او شعرونه وویل شول او د شاه غازي امان الله خان د هڅو یادونه او ستاینه یې وکړه.
