د اسلامی امارت د پوهنې وزارت خبرتیا
د هیواد په مرکز کابل ښار او ولایاتو کې ټولو امارتي او خصوصي ښوونځیو، خصوصي نیمه مسلکي لوړو زده کړو نهادونو او تعلیمي کورسونو ته خبر ورکول کیږي چې د تیرو دوه میاشتو را پدیخوا د پوهنې وزارت د داخلي پلټنې د مسلکي غړو لخوا د بررسۍ او پلټنې بهیر پیل شوی دي نو د خصوصي ښوونځیو، خصوصي نیمه مسلکي لوړو زده کړو او تعلیمي کورسونو مسئولین او د امتیاز خاوندانو ته لارښوونه کیږي چې د داخلي پلټنې له پلاوو سره د کاري بهیر د لا ښه والي په خاطر بشپړه او په وخت همکاري وکړئ.
په دي هکله ټول هغه خصوصي تعلیمي نهادونه مکلف دي چې د دي اعلان له نشریدو وروسته د یوي میاشتي په موده کې خپل قانوني اسناد (مجوزونه) له اړونده مراجعو څخه تر لاسه او مالیات تصفیه کړي د سرغړونې په صورت کې به د متخلفینو سره قانوني چلند و شي.
