دکاپيسا ولايت په مرکز کې د خلفاء راشدينو مدرسې د فارغانو د فضيلت پګړي تړلو غونډه جوړه شوه
د قرآن عظیم الشان حافظانو د فارغانو او د بخاري شريف د دورې د فارغانو د فراغت په مراسم کې د کاپیسا ولایت د مرکز محمود راقي د خلفاء راشدينو مدرسې زده کوونکو، په غونډه کي د پوهنې مسؤلینو سربېره، د بېلابېلو دولتي ادارو رئیسانو، یو شمېر علماو، قومي مخورو، د مدرسو زده کوونکو او د هغوی والدینو ګډون کړی وو.
د دې ولایت د پوهنې مسؤلینو په وینا؛ له دې مدرسې څخه ټول د قرآن کریم ۱۳ حافظان او د بخاري شريف د دورې ۱۳ تنه نور فارغ شول، چې د شاندارو مراسمو په ترڅ کې د فضيلت پګړي د مدرسین او علماوو کرام له خوا د فارغانو پر سر وټرل شوي ـ
په دې مراسمو کې د کاپیسا پوهنې رئیس مولوي الحافظ محمد فرید "جواد حقاني" او نورو ویناوالو حافظانو او فارغانو ته د مبارکۍ په ترڅ کې دوی ته د قرآن کریم فضائل، د تعلیم په ارزښت او اهمیت او په ځانګړې توګه د دیني علومو تر څنګ د عصري علومو تدریس او د ټولنې اصلاح په اړه خبرې وکړې ، او له والدینو یې وغوښتل؛ ترڅو خپل ماشومان ښوونځیو او مدارسو ته واستوي.
