دایکنډی ولایت کې د دوو دیني مدارسو د نويو ودانیو بنسټ ډبره کېښودل شوه
د دايکنډي ولايت شهرستان ولسوالۍاړوند په تګاب لرګر کلي کې د حضرت ابوالفضل (رحمه الله علیه) دیني مدرسې او د پاتو ولسوالۍ په خچوزي تمزان کلي کې د محمدیه دیني مدرسې د نويو ودانیو جوړولو بنسټ ډبره په جلا مراسمو کې، د پوهنې مسوولینو او د سیمې د خلکو د استازو په حضور کې کېښودل شوه.
یادې ودانۍ د سیمې د خلکو په مالي ملاتړ، د ۱۰ میلیونه افغانیو په ټولیز لګښت، پر وقف شویو ځمکو جوړېږي. په دغو ودانیو کې به درسي خونې، اداري دفترونه او نور اړین ملحقات شامل وي.
د پوهنې ریاست مسوولینو د علم پروره خلکو له مادي او معنوي ملاتړ څخه مننه وکړه او له زدهکوونکو او طالبالعلمانو یې وغوښتل چې له شته تعلیمي فرصتونو څخه ښه ګټه واخلي.
