بلخ ولایت کې د ۱۰۰ زره افغانیو څخه په زیات لګښت د یو باب ښوونځي لپاره د اوبو تصفیه کولو مخزن فعال شو
د بلخ ولایت په مرکز مزارشریف ښار کې د خالقداد خان عالي لېسې زده کوونکو لپاره د خلکو شورا په مالي مرسته د ۱۲۰ زره افغانیو په لګښت، د څښاک پاکو اوبو تصفیه کولو په موخه یو باب مخزن جوړ او د پوهنې مسئولینو لخوا ګټې اخیستنې ته وسپارل شو.
د یاد ولایت پوهنې چارواکو په وینا، د پورته ذکر شوې زېرمې په فعالولو سره به د پاکو اوبو د نشتوالي ستونزې حل او د همدغه ښوونځي زدهکونکي به وکولی شي، تر څو د اړتیا پرمهال له پاکو اوبو څخه استفاده وکړي.
د پوهنې وزارت مشرتابه د هېوادوالو، په ځانګړې توګه د بلخ ولایت معارف دوسته خلکو له مادي او معنوي ملاتړ څخه ستاینه کوي.
