امریکا ته د پوهنې وزیر سفر/۵

پوهنې وزیر په نیویارک کې وویل چې د ښوونځي څخه پاتې ۱۲ زره ماشومان محلي ټولګیو ته جذب شوي دي.

پوهنې وزارت- نیویارک: پوهنې وزیر ډاکتر محمدمیرویس بلخي امریکا ته د خپل سفر په ترڅ کې د ECW (زده کړه انتظار نه کوي) غونډې ته د وینا پر مهال وویل چې پوهنې وزارت د ښوونځي څخه بهر ۱۲ زره ماشومان محلي ټولګیو ته جذب کړي دي.
ډاکتر بلخي په دې پروګرام کې چې د ECW (زده کړه انتظار نه کوي) په کوربتوب او د بریتانیا پخواني لمړي وزیر ګردون براون او ECW نړیوالې مسئولې یاسمین شریف په شتون کې تر سره شوه؛ د افغانستان د ښوونې او روزنې په برخه کې د زده کړه انتظار نه کوي له بنسټ څخه د ډیر ملاتړ غوښتونکۍ شو.
پوهنې وزیر یادې غونډې ته وویل چې د ښوونځي څخه بهر ۳.۷ ملیونه زده کوونکو لپاره د ECW اوسنۍ ملاتړ بسنه نکوي او د افغانستان ښوونیز سیستم ته د ښوونځي څخه د پاتې ماشومانو د ډیر جذب لپاره د همکاریو پر پیاوړتیا ټينګار وکړ.
پوهنې وزیر ډاکتر بلخي همدارنګه د پوهنې وزارت د تیرو ۶ میاشتو د پرمختګونو لنډ راپور یادې غونډې ته وړاندې کړ.
د یادونې وړ ده چې پوهنې وزیر د High Level Steering Group Meeting غونډه کې د ګډون په موخه چې د ECW(زده کړه انتظار نه کوي) بنسټ په کوربتوب د سپتمبر میاشت په ۲۴ او ۲۵ تر سره شو، امریکا ته سفرکړي دي.