د پوهنې وزارت د دعوت او ارشاد ریاست د تېرې اوونۍ مهمو فعالیتونو ته کتنه
د پوهنې وزارت د دعوت او ارشاد ریاست څارنیزو ټیمونو د تېرې اوونۍ په ترڅ کې، د ياد وزارت له مرکزي هستې، د تألیف او ترجمې ریاست، د پلان او پالیسۍ ریاست، دویمې او اوومې تعلیمي حوزو او دوو ام/ارتي عالي ښوونځیو څخه څارنه او ارزونه ترسره کړه.
همدارنګه، د دعوت او ارشاد ریاست او د امر بالمعروف او نهی عن المنکر قانون د تنفیذ مرکزي هیئت له لوري د ښوونکو لپاره یو ورځنۍ علمي، اصلاحي او روزنیزه غونډه جوړه شوه، چې پکې د امر بالمعروف او نهی عن المنکر د اهمیت، د جماعت د لمانځه فضیلت، د ښوونکو مسوولیتونو، د سیرت او صورت د اصلاح او د عالیقدر امیرالمؤمنین حفظه الله تعالی د ۱۷مې ګڼې فرمان په اړه مفصلې ویناوې ترسره وشوې.
دغه راز، د کابل ښار د تعلیمي حوزو کارکوونکو ته د دعوت او ارشاد نصاب په منظم ډول تدریس شو او د لمانځه د الفاظو د تصحیح، د جماعت لمانځه، حجاب، د نارینهوو او ښځینهوو د اختلاط د مخنیوي او د سیرت او صورت د اصلاح په اړه اصلاحي او روزنیزې لارښوونې وشوې.
په ورته وخت کې، له ۱۱۸ ښوونیزو مرکزونو څخه څارنه او ارزونه ترسره شوه، د نصاب د تدریس لپاره مبلغین وټاکل شول، پخواني مبلغین وهڅول شول او په بېلابېلو ولایتونو کې له ښوونیزو مرکزونو څخه ارزونه ترسره شوه.
