د پوهنې له ډګره د نن ورځې مهمو خبرونو لنډیز
۱- د کابل ښار په رابيا عالي لېسه کې د زمري ۲۴مه، ( د اسلامي ا/مارت اتلو م/جاهدينو په لاس د افغانستان د فتحې ورځ) د کابل ښار پوهنې رٸيس، د څلورمې، یوولسمې، پنځلسمې او اوولسمې ښوونیزو ناحیو مسوولینو، ښوونکو، زدهکوونکو او اداري کارکوونکو په پراخ ګډون سره د ځانګړو فرهنګي، علمي او ښوونیزو پروګرامونو په ترڅ کې ونمانځل شوه.
٢- د فاریاب ولایت د مرکزي هستې او د ولسوالیو پوهنې آمریتونو ۱۰۰ تنو اداري کارکوونکو ته د مسلکي ظرفیت لوړونې او د دندو د لایحې د تشریح په موخه یوه ورځنۍ برنامه د یاد ولایت د پوهنې مسوولینو په حضور کې جوړه شوه.
٣- د پکتیکا ولایت د سروبي ولسوالۍ اوسېدونکو له پوهنې سره د ۲۳۳ زره او ۵۰۰ افغانیو په ارزښت مرسته کړې ده.
له یادې مرستې څخه د حیاتبابا لېسې لمریزې برېښنا سیسټم د ۱۶۵ زره افغانیو په ارزښت ترمیم شوی، د عبدالله ابن مسعود رضياللهعنه مدرسې لپاره د ۴۴ زره افغانیو په ارزښت فرشونه برابر شوي او د شهید شیرعلي ښوونځي لپاره د ۲۴ زره او ۵۰۰ افغانیو په ارزښت اداري وسایل اخیستل شوي دي.
