په سړو سیمو او ولایتونو کې د ښوونځیو څلورنیممیاشتنۍ ازموینې پیل شوې
د پوهنې وزارت د ښوونیزې لایحې له مخې، نن د چنګاښ میاشتې په ۱۵مه د ملک په سړو سیمو او ولایتونو کې له څلورم څخه تر دولسم ټولګي پورې د زدهکوونکو څلورنیممیاشتنۍ ازموینې، د هغوی د ښوونیز او روزنیز پرمختګ ارزونې په موخه پیل شوې.
د یادو ازموینو لپاره د ښوونځیو مسوولینو د اړوندو ولایتي پوهنې ریاستونو په همکارۍ له وړاندې ټول لازم چمتووالی نیولی، ترڅو ازموینې په بشپړ نظم، روڼتیا او د زدهکوونکو د دقیقې ارزونې له اصولو سره سم ترسره شي.
په همدې موخه د پوهنې رئیسانو او د څارنې برخې آمرینو له بېلابېلو ښوونځیو څخه لیدنې وکړې او د ازموینو بهیر، نظم او انضباط یې له نږدې وڅاره.
مسوولینو د خپلو خبرو پر مهال له ښوونکو وغوښتل چې د ځوابپاڼو په ارزونه کې عدالت او روڼتیا په بشپړه توګه مراعات کړي.
دغه راز هغوی زدهکوونکي د ازموینو د اصولو او مقرراتو رعایت ته وهڅول او ترې یې وغوښتل چې له بشپړ چمتووالي سره ازموینو ته حاضر شي.
د ولایتي پوهنې ریاستونو د رارسېدلو راپورونو له مخې، د ازموینو لومړۍ ورځ په ارامه او خوندي فضا کې د ټاکل شوې کړنلارې سره سمه په بریالیتوب سره پلې شوه.
د یادونې وړ ده چې له لومړي څخه تر درېیم ټولګي پورې د زدهکوونکو ازموینې به د چنګاښ په ۲۵مه نېټه پیل او د همدې میاشتې تر پایه به دوام ولري.
