بامیان ولایت کې په ۷ میلیونه افغانی لګښت سره ۱۰ بابه ښوونځي ترمیم او سمبال شول
د بامیان ولایت د سیغان، شیبر او مرکز اړوندو ۱۰ بابه ښوونځیو بیارغونې چارې، چې څه موده وړاندې پیل شوې وې، اوسمهال بشپړې او د یاد ولایت پوهنې مسوولینو په حضور کې ګټې اخیستنې ته وسپارل شوې.
په دغو ترمیماتو چې ۷ میلیونه افغانۍ لګښت پرې راغلی، د ښوونځیو د ودانیو ترمیم، د ټولګیو لپاره د مېزونو او څوکیو برابرول او همدارنګه د اداري او دفتري وسایلو تجهیزول شامل دي، چې له امله یې سلګونو زدهکوونکو ته مناسب درسي چاپېریال برابر شوی دی.
د بامیان پوهنې رئیس محترم قاري عنایتالله سهار وایي، چې په راتلونکي کې به د یاد ولایت د نورو اړمنو ښوونځیو لپاره هم د ترمیم او بیارغونې پروژې پیل شي.
