د کابل ښار پوهنې ریاست لخوا، د بېرته راستنو شویو ۴۵۰ تنو کډوالو ماشومانو څخه د تعلیمي سویې د تثبیت ازموینه واخیستل شوه
د کابل ښار پوهنې ریاست، د تعلیمي سویې د تثبیت ازموینو په شلم پړاو کې، د بېرته راستنو شویو ۴۵۰ تنو ماشومانو څخه د هغوی د تعلیمي سویې د معلومولو په موخه ازموینه واخیسته.
د پوهنې ریاست مسوولینو په هغو مراسمو کې، چې په همدې مناسبت جوړ شوي وو، د زدهکړې پر اهمیت خبرې وکړې او زدهکوونکي یې د علم او پوهې دوام ته وهڅول.
د یادونې وړ ده، چې د کابل ښار پوهنې ریاست تر دې وړاندې په ۱۹ پړاوونو کې د ۵۰۸۰ تنو بېرته راستنو شویو ماشومانو څخه ازموینې اخیستې او هغوی یې د وړتیا له مخې د مرکز په بېلابېلو ښوونځیو کې شامل کړي دي.
