د پوهنې وزارت د اسلامي زده کړو محترم معین د مدارسو د ګډو ازموینو بیاکتنې کمېټې سره وکتل
د پوهنې وزارت د اسلامي زدهکړو معینیت د ځانګړې لایحې له مخې، هرکال د ټول ملک په شمول د دارالهجرت مدارسو ثانویه او مافوق ثانویه دورو عمومي ازموینې په یو وخت کې پیل او اخیستل کېږي؛ چې سږ کال یادې ازموینې د ۱۴۴۷ هـ ق کال د رجب المرجب میاشتې په ۶مه نېټه پیل او د همدې میاشتې په ۱۱مه نېټه پای ته ورسېدې.
په ورته وخت کې د طلابو د ازموینو پارچو بیاکتنې په پروسه کې د روڼتیا او په درجه بندۍ کې د عدالت د ډاډ ترلاسه کولو لپاره یوه سلکسیزه کمېټه وټاکل شوه.
په هغه غونډه کې چې د پوهنې وزارت د اسلامي زدهکړو معین محترم الحاج مولوي کرامت الله آخندزاده د پورته ذکر شوې کمېټې سره درلوده، د دغې کمېټې غړو ته د اړینو لارښوونو په ورکولو سره څرګنده کړه چې؛ له طلابو العلم څخه اخیستل شوې ازموینه زموږ لپاره امانت ده، تاسو باید په صادقانه او عادلانه ډول هر طلاب ته د هغه د وړتیا او استعداد پر بنسټ نمرې ورکړئ او که چېرې په دې پروسه کې غفلت او بې پروايي وشي، نو دا به د زدهکوونکو ترمنځ نابرابري رامنځته او په ترڅ که به یې تعلیمي او اخلاقي نظام ته لوی زیان ورسېږي.
د غونډې په پای کې، د اسلامي زدهکړو محترم معین د کمېټې اړونده ستونزې او ننګونې واورېدې او د حل به موخه یې هر اړخیز نظرونه تبادله شول.
