د پوهنې وزارت د ښوونې او روزنې معینیت محترم کفیل مولوی اول ګل ایوبي په مشرۍ د تدریساتو کمېسیون ۹۷ یمه غونډه ترسره شوه
د پوهنې وزارت د ښوونې او روزنې کفیل محترم مولوي اول ګل ایوبي په مشرۍ د تدریساتو کمېسیون ۹۷ یمه نوبتي غونډه په داسې حال کې ترسره شوه، چې پکې د پورته ذکر شوي کمېسیون غړي او د ۱۲ مرکزي ریاستونو استازي هم حاضر وو.
غونډه د قرآن کریم د څو مبارکو آیتونو په تلاوت سره پیل شوه.
ورپسې د اجنډا له مفرداتو سره سم، د اړوندو موضوعاتو په اړه بحثونه ترسره شول او هر استازي د مطرح شویو مسایلو په اړه د غونډې ګډونوالو سره خپل نظرونه شریک کړل.
همدارنګه په دې غونډه کې، د مراجعینو د ستونزو او غوښتنو په اړه هم تفصیلي بحثونه ترسره او په دې اړه شاوخوا ۳۰ پرېکړې د نورو اجراآتو لپاره اړوندو چارواکو ته واستول شوې.
غونډه دعائیې په لوستلو سره پای ته ورسېده.
