په لوګر ولایت کې د ۴۳ مېلیونه افغانیو په لګښت د ۶۱ تعلیمي پروژو بیارغونې کارونه روان دي
د لوګر ولایت پوهنې چارواکو په وینا، په یاد ولایت کې د ۶۱ تعلیمي مرکزونو د بیارغونې او ترمیم چارې روانې دي، چې له ۷۰ تر ۹۰ سلنې پورې یې رغنیزې چارې روانې دي او په راتلونکو څو ورځو کې به ګټې اخیستنې ته وسپارل شي.
د پروژو لګښت شاوخوا ۴۳ مېلیونه افغانۍ اټکل شوی، چې د پوهنې وزارت د ملاتړکوونکو ادارو څخه د یوې ادارې لخوا تمویلېږي.
د یادونې وړ ده، چې په پورته ذکر شویو پروژو کې د څښاک پاکو اوبو څاګانې کیندل او تجهیز، د لمریزې برېښنا سیسټمونه نصبول، د احاطوي دېوالونو رغول، د درسي خونو ترمیم او د ودانیو بیارغونه او نور شامل دي.
