د پوهنې وزارت کارکوونکو چارو لوی ریاست په لارښوونه «د معاشونو سیسټم » تر سرلیک لاندې ۵ ورځنی ورکشاپ پیل شو
پوهنې وزارت کارکوونکو چارو لوی ریاست په لارښوونه، د پوهنې او مالیې وزارتونو د معاشونو سیسټم تر سرلیک لاندې د مالي او حسابداري ریاست په کارکوونکو سربېره، د مرکز او ولایتونو د پوهنې ریاستونو د معاشونو برېښنایي ثبت سیسټم مدیرانو لپاره ۵ ورځنی روزنیز پروګرام پیل شو.
لومړی د پوهنې وزارت د تشکیلاتو رئیس محترم مفتي عبدالحلیم حلیمي حاضرینو او ګډونوالو ته د ښه راغلاست ترڅنګ افتتاحیه وینا وکړه او د یاد ورکشاپ د منځپانګې په تړاو یې هراړخیز معلومات وړاندې کړل.
ورپسې د پوهنې وزارت مالي او اداري رئیس محترم مولوي صدرالدین سعد د خپلې وینا پرمهال، په دندو کې د مسئولیت احساس، د وخت ارزښت او اصولو ته د کلکي ژمنتیا په تړاو معلومات ارایه کړل او ګډونوال یې وهڅول، ترڅو په خپلو ورځنیو دندو کې بشپړ اخلاص ترسره کړي.
په ورته مهال د پوهنې وزارت د کارکوونکو چارو لوی رئیس محترم مفتي شفېعالله منصور له ګډونوالو وغوښتل چې د ورکشاپ له زدهکړو مهارتونو څخه بشپړه ګټه پورته او په کړنو کې تعهد او روڼتیا مراعات کړي.
د یادونې وړ ده، چې د دغه روزنیز ورکشاپ په ترڅ کې به د معاشونو برېښنايي سیسټم د کارولو وړتیاوې لوړې، د مالي چارو په روڼتیا او دقت کې زیاتوالی رامنځته او د ټول ملک په کچه به د معاشونو د تادیاتو سیسټم همغږی او معیاري شي.
