د فاریاب ولایت په پشتونکوټ ولسوالۍ کې د یو باب ښوونځي نوې ودانۍ پرانیستل شوه
د فاریاب ولایت پشتونکوټ ولسوالۍ اړوند بلوڅ روزیقل لومړني ښوونځي نوې ودانۍ چې د یو همکار بنسټ په مالي لګښت، د ۱۵ مېلیونو افغانیو په لګښت او د سیمې د خلکو له لوري په ۶۰۰۰ متره مربع وقف شوې ځمکه کې جوړه شوې، د یوې غونډې په ترڅ کې د پوهنې مسئولینو، علماءکرامو او د سیمهییزو مخورو په حضور کې افتتاح او ګټې اخیستنې ته وسپارل شوه.
مسئولینو او ویناوالو د ودانۍ د پرانیستې په مراسمو کې د علم او پوهې په ارزښت، د ښوونې او روزنې په اهمیت، د ودانیزو پروژو په جوړولو او د مناسب تعلیمي چاپېریال د اغېزو پر موضوع خبرې وکړې او د یادې سیمې د معارفدوستو خلکو له همکارۍ، په ځانګړي ډول د ښوونځي لپاره د ځمکې اهدا کولو له امله یې مننه او قدرداني څرګنده کړه.
دغه پروژه ۸درسي خونې، یوه اداري څانګه، لابراتوار، د ساتونکي کوټه، بشپړ سولري برېښنایي سیسټم، احاطوي دېوال، د څښاک پاکو اوبو ژورڅاه او لوبغالی لري، چې په یو پوړ کې په پاخه او اساسي توګه جوړه او له بشپړېدو سره یې زدهکوونکو ته د زدهکړو لپاره مناسب او مصئون چاپېریال برابر شو.
