په هرات ولایت کې د یوې لېسې سره د ۱۰۰ پایې مېزونو او څوکیو مرسته وشوه
د هرات ولایت مرکز اړوند سلطان غیاث الدین غوري لېسې د شورا غړو لخوا له یاد ښوونځي سره د شاوخوا ۲۲۵ زره افغانیو په لګښت د ۱۰۰ پایو مېزونو- څوکیو او د اوبو یو ټانکر مرسته وشوه.
د یاد ولایت پوهنې رئیس محترم مولوي رحمت الله جابر وايي چې د دې مېزونو او څوکیو په ورکولو سره د زدهکوونکو ځینې ستونزې حل شوې دي.
نوموړي د دغه ارزښتناکه اقدام له مرسته کوونکو څخه قدرداني وکړه او له نورو شخصیتونو، ملي سوداګرو او نورو خیریه بنسټونو څخه یې وغوښتل چې د پوهنیز پرمختګ او پراختیا په برخه کې له دغې ادارې سره همکاري وکړي.
