د کابل ولایت په پغمان ولسوالۍ کې د ښوونځیو ترمنځ د خزاني فوټبال ټورنمنټ پیل شو
د کابل ولایت په پغمان ولسوالۍ کې د ۱۰ بابه ښوونځیو د زدهکوونکو سپورټي لوبډلو ترمنځ د خزاني فوټبال تورنمنټ د پوهنې وزارت د اساسي او ثانوي زدهکړو ریاست د بدني روزنې مسئولینو په حضور کې پیل شو.
د پغمان پوهنې مسؤلین، د ښوونځیو استادان، زدهکوونکي او د سپورټ مینه وال هم په دغو مراسمو کې ګډون درلود.
د سیالیو له پرانیستې او د مسئولینو له ویناوو وروسته، د لومړي پړاو لوبه د الفلاح او د ذکور شرق لېسو د زدهکوونکو ترمنځ ترسره شوه، چې په پایله کې د شرق لېسې لوبډلۍ وکولای شول، د ۵ پر صفر په توپیر بریا خپله کړي.
همدارنګه د سیالیو په دویم پړاو کې چې د پغمان ذکور او مکارم لېسو د زدهکوونکو ترمنځ وشوه، د پغمان لېسې لوبډلې د ۱ پر ۰ بریا ترلاسه کړه.
یاده دې وي، چې دغه سیالۍ به هره ورځ دوام ولري او په پای کې به غوره او بریالیو لوبډلو ته سپورټي جایزې ورکړل شي.
