د پوهنې وزارت د نصاب او د ښوونکو مسلکي پراختیا لوی رئیس، د بامیان زون د ښوونکو مسلکي ودې له ورکشاپ څخه لیدنه او څارنه وکړه
د پوهنې وزارت د نصاب او د ښوونکو مسلکي پراختیا لوی رئیس محترم الحاج مولوي اولګل ایوبي، د بامیان ولایت محترم والي الحاج مولوي عبدالله سرحدي او پوهنې رئیس محترم قاري عنایتالله سهار په ملتیا، د بامیان زون د ښوونکو د مسلکي پراختیا غړو د وړتیا لوړونې له ورکشاپ او یو ښوونځي څخه لیدنه او څارنه وکړه.
په دغه لیدنه کې، د نصاب او د ښوونکو مسلکي پراختیا لوی رئیس د یاد ولایت د پوهنیزو پروګرامونو له کیفیت څخه مننه وکړه او د ښوونکو د مهم رول څخه یې د یادونې ترڅنګ ټینګار وکړ، چې ښوونکي باید د درسي کیفیت لا ښهوالي او د زدهکوونکو د سالمې روزنې لپاره لا ډېر کوښښ وکړي.
هغه ښوونکو ته په خطاب کې وویل: «د ښوونې او روزنې شاوخوا ۶۰ سلنه کیفیت په مسلکي او مخلصو ښوونکو پورې تړلی دی؛ نو تاسو باید د باکیفیته تدریس او د زدهکوونکو د سالمې روزنې لپاره لا زیاته هڅه وکړئ.»
