د ولایتونو له پوهنې څو خبرونه
کابل
د کابل ولایت شکر درې ولسوالۍ اړوند د آقاعليخواجه کلي علمپالو خلکو د حضرت انس «رضیاللهعنه» دارالحفاظ جوړېدو لپاره ۱۰ بسوې ځمکه او د یوه دارالایتام رغولو لپاره ۴ بسوې ځمکه پوهنې وزارت ته وقف کړه.
لوګر
د لوګر ولایت د ازرې ولسوالۍ په مرکزي لېسه کې، د علمپالو خلکو په مالي مرسته، د ۸۵ زره افغانیو په لګښت د لمرېزې برېښنا په وسیله د څښاک اوبو سیسټم نصب او په رسمي ډول ګټې اخېستنې ته وسپارل شو.
هلمند
په هلمند ولایت کې له ۵۵ تنو هغو زدهکوونکو څخه چې تازه له کډوالۍ څخه هېواد ته راستانه شوي، د تعلیمي سویې تثبیت ازموینه واخیستل شوه، ترڅو وکولای شي، په عادي ډول خپلو درسونو ته دوام ورکړي.
