د ننګرهار ولایت پوهنې منسوبینو لپاره د عملیاتي پلان په اړه لارښود سیمینار جوړ شو
د ننګرهار ولایت پوهنې ریاست د ۱۴۰۴ کال عملیاتي پلان تشرېح او په ښوونځیو کې یې د هغو د موخو پلي کولو لپاره روزنیز سیمینار ترسره کړ.
یاد سیمینار د پوهنې آمرینو، د مرکز او ولسوالیو د مسلکي پراختیا غړو لپاره ترسره شو.
په دغه ټرېننګ کې، د ۱۴۰۴ کال عملیاتي پلان تشرېح او د ولسوالیو په کچه په ښوونځيو کې د اهدافو وېشل هم توضېح شول.
همدارنګه هغه ستونزې چې د سیمینار ګډونوالو په خپلو ځینو ورځنيو فعالیتونو کې درلودې، هم حل شوې.
