د لوګر ولایت پوهنې ریاست او د یو خصوصي ساختماني شرکت ترمنځ د ۶.۵ مېلیونه افغانیو په لګښت قرارداد لاسلیک شو
د لوګر ولایت پوهنې ریاست او د یو خصوصي ساختماني شرکت ترمنځ په یاد ولایت کې د ۱۲ اداري او تعلیمي ودانیو د ترمیم لپاره د ۶.۵ مېلیونه افغانیو په لګښت قرارداد لاسلیک شو.
د قرارداد له مخې به، د پوهنې ریاست ودانۍ، دوه دیني مدرسې او ۹ بابه ښوونځي په اساسي ډول بیا ورغول شي، چې عملي کارونه به یې راتلونکې اوونۍ په رسمي ډول پیل شي.
د یادونې وړ ده چې تر دې وړاندې په همدغه ولایت کې د یوې مرستندویه ادارې په مالي مرسته د ۴۹ بابه ښوونځیو د بیارغونې یوه لویه پروژه پیل شوې وه.
