زابل ولایت کې د ۴۰۰ زره افغانیو په لګښت د یو باب ښوونځي د ودانۍ بنسټ ډبره کېښودل شوه
د زابل ولایت شاه جوی ولسوالۍ اړوند شاهحسین لومړني ښوونځي د ودانۍ بنسټ ډبره د ۴۰۰ زره افغانیو په لګښت سره کېښودل شوه.
دا پروژه د ځایي خلکو په مالي ملاتړ او د ښوونځي شورا په ګډون پلي کېږي، چې د ودانۍ په پلان کې شپږ درسي خونې او یوه اداري برخه شامله ده او د ځایی خلکو لخوا په ورکړل شوې دوه جرېبه ځمکه کې به جوړه شي.
د بنسټ اېښودلو په مراسمو کې د شاهجوی ولسوالۍ پوهنې آمریت چارواکو، ښوونکو، زدهکوونکو او سیمهییزو مشرانو ګډون درلود.
چارواکو په خپلو ویناوو کې د ټولنې په اصلاح کې د پوهنې پر اهمیت او د پوهنیز نظام لپاره د عامه ملاتړ پر رول ټینګار وکړ.
د پوهنې مسئولینو په وینا، د دغې ودانۍ په بشپړېدو سره به شاوخوا ۳۰۰ تنو زدهکوونکي ته مناسب ښوونیز چاپېریال برابر شي.
