د کابل محترم والي د پوهنې وزارت له محترم سرپرست سره وکتل
د کابل والي محترم ملا امین الله «عبید» د پوهنې وزارت له سرپرست محترم الحاج مولوي حبیب الله آغا سره د کتنې پرمهال، ولسوالیو او لیرې پرتو سیمو ته د ښوونیزو چوپړونو لا پراختیا په برخه کې د یاد وزارت د فعالیتونو په ګډون د علاقې وړ موضوعاتو په اړه نظرونه تبادله کړل.
په پیل کې د پوهنې وزارت سرپرست د کابل والي له سفر هرکلی وکړ او دا ډول لیدنې یې د دواړو ادارو ترمنځ د متقابلې همکارۍ له پلوه ګټورې او اغېزناکې وبللې.
ورپسې د کابل والي د هېواد د ماشومانو لپاره دښوونیزو او روزنیزو خدمتونو د متوازن پرمختګ په برخه کې د پوهنې وزارت له هڅو ستاینه وکړه او هغه یې غوره وبللې.
همدارنګه د کابل والي د پراختیایي پروګرامونو په پلي کولو کې د پوهنې وزارت سره د هراړخیزې همکارۍ ډاډ ورکړ.
