د پوهنې وزارت محترم سرپرست په رسمي سفر پروان ولایت ته لاړ
د پوهنې وزارت سرپرست محترم الحاج مولوي حبیب الله آغا او ورسره مل پلاوی په رسمي سفر پروان ولایت ته لاړ او د یاد ولایت له پوهنې رئیس او چارواکو سره یې په یوه غونډه کې، د پوهنیز کیفیت لاښه والي، په اداري چارو کې د اصلاحاتو او تعلیمي نظام کې د امکاناتو اغېزمنې کارونې پر اهمیت ټینګار وکړ.
ورپسې د پوهنې وزارت محترم سرپرست د یاد ولایت پوهنې رئیس محترم مولوي سید محمد فیضي سره په ګډه، له یو شمېر ښوونځیو او عربي دارالعلوم څخه لیدنه وکړه او طالبالعلمانو ته یې په خطاب کې وویل: "اوس هغه وخت رارسېدلی چې، د کمیت څخه ورهاخوا د کیفیت پر لور حرکت وکړو. کومه ټولنه چې روښانه راتلونکې غواړي، باید باکیفیته پوهنه، مسلکي ښوونکي او نوښتګر زدهکوونکي ولري."
همدارنګه نوموړي ژمنه وکړه چې د پوهنې وزارت به د سیمه ییزو ادارو سره په همغږۍ، په پروان ولایت کې د تعلیمي بهیر لاپیاوړتیا لپاره ځانګړي پروګرامونه پلي کړي.
