د هرات پوهنې ریاست، د مدرسینو مسلکي پراختیا غړو لپاره لارښود سیمینار جوړ کړ
د هرات ولایت پوهنې ریاست له خوا "د اداري او تدریسي کتابونو تشرېح " تر سرلیک لاندې دوه ورځنی لارښود سیمینار، د عاطفې خیریه بنسټ په همکارۍ، د یاد ولایت په مرکز او ولسوالیو کې د مدرسینو مسلکي پراختیا ۴۵ تنو غړو لپاره پرانیستل شو.
د یاد سیمینار د تنظیم موخه د اداري او تدریسي څانګو د منسوبینو د مسلکي وړتیاوو او پوهاوي کچې لوړول دي، تر څو په دیني مدارسو کې تعلیمي او اداري چارې په لاسمه او معیاري ډول پلې شي.
د هرات پوهنې رئیس محترم مولوي رحمت الله جابر په خپله وینا کې وویل: "دیني زدهکړه زموږ د تعلیمي سیسټم اصلي ستنه ده. که چېرې د اسلامي زدهکړو یو ښوونکی د کورس د منځپانګې او د هغې د پلي کولو څرنګوالي په اړه دقیقه پوهه ولري؛ نو راتلونکي نسلونه به په بشپړ ډول د دیني او ملي ارزښتونو سره وروزل شي."
نورو ویناوالو هم د موضوع په تړاو خبرې وکړې او د دغه ډول تعلیمي پروګرامونو تنظیمول یې د مدرسینو د مسلکي وړتیاوو لوړولو لپاره خورا اغېزمن وبلل.
