د پکتیکا ولایت پوهنې ریاست له کړنو ځینې لنډ خبرونه
- د پکتیکا ولایت ورمي ولسوالۍ د تعلیمي مرکزونو ۳۰ تنو مسئولینو او ښوونکو لپاره د پوهنې وزارت د کړنلارو په اړه یو ورځنی سیمینار ترسره شو.
- د پکتیکا ولایت سروبي ولسوالۍ د امیر امان الله خان عالي لېسې لپاره څلور درسي خونې د ۳۰۰ زره افغانیو په لګښت، د یو تن ملي سوداګر عبدالواحد افغان په مالي مرسته جوړې شوې.
- د پکتیکا ولایت د بکخیل ولسوالۍ هاشمیه لېسې ته د ځایي خلکو لخوا، د ۳۰ زره افغانیو مرسته وشوه، چې د ښوونځي د اساسي اړتیاوو پوره کولو لپاره وکارول شوه.
