د پوهنې وزارت د دعوت او ارشاد ریاست له کړنو «اوونیز راپور»
تېره اوونۍ د پوهنې وزارت د دعوت او ارشاد د رئیس مولوي جمعه خان "سروري" په لارښوونه، د یاد وزارت د مرکزي هستې ټولو کارکوونکو ته د دیني درسونو لړۍ په نورمال ډول روانه وه او هغوی ته د قرآن کریم ژباړه هم پیل شوه.
همدارنګه د پوهنې وزارت دعوت او ارشاد ریاست لخوا ټولو مرکزي او ولایتي ریاستونو ته سپارښتنه شوې، تر څو د روژې مبارکې میاشتې په رارسېدلو سره منسوبینو ته د قرآن کريم ژباړه پیل کړئ، چې په یاده برخه کې د اړوندو مسئولینو له لوري ډاډ ورکړل شو.
په ورته مهال د کابل ښار او د ولایتونو له پوهنې ریاستونو څخه لاس ته راغلي راپورونه ښیي چې؛
په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د دیني درسونو لړۍ روانه وه، لکه؛ د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
