په بامیان ولایت کې د مدارسو او ښوونځیو جوړولو لپاره څه د پاسه ۶.۵ جرېبه ځمکه وقف شوه
د باميان ولايت پوهنې مسئولين وايي، د یاد ولايت په شیبر ولسوالۍ کې د مدارسو او ښوونځيو جوړېدو لپاره د خلکو له خوا څو جرېبه ځمکه مرسته شوې ده.
دا ملکیتونه ټولټال ۶،۵ جرېبه ځمکه کېږي، کوم چې؛
- ۳.۵ جرېبه د شیبر ولسوالۍ یو تن معارف دوست شخص حاجي محمد شریف لخوا د خواجه ابدال دیني مدرسې جوړولو لپاره وقف شوې ده.
- ۳ جرېبه ځمکه د همدې ولسوالۍ د اوسېدونکو ملا عبدالحکیم وارثانو له لوري د امام اعظم (رحمه الله) مدرسې جوړولو لپاره چې په امینداب کې موقعیت لري، ځانګړې شوې ده.
- او ۳ بسوې ځمکه د شیبر ولسوالی یو تن علمي شخصیت غوث الله لخوا د سرغندک منځني ښوونځي جوړولو لپاره وقف شوې ده.
د يادونې وړ ده، چې پر دې سربېره د يادې ولسوالۍ د خلکو له خوا د ښوونيزو مرکزونو بيارغونې په موخه ٩٥ زره افغانۍ نغدي مرسته هم شوې ده.
د پوهنې وزارت رهبري له پوهنیز نظام سره د هېواد د خلکو د مادي او معنوي ملاتړ قدرداني کوي او د بامیان ولایت علم پروره ولس له مرستو مننه کوي.
