د پوهنې وزارت د اسلامي زده کړو معین لغمان ولایت ولاړ

media-moe
پنجشنبه ۱۴۰۳/۱۰/۲۷ - ۱۰:۲۷
45

د پوهنې وزارت د اسلامي زده کړو معین الحاج مولوي کرامت الله «آخندزاده» د دیني مدارسو د ثانويه او مافوق ثانویه مرحلو د طالب العلمانو د آزموینو بهیر څارنې په موخه نن لغمان ولایت ته ورسېد.

د اسلامي زده کړو معین په پیل کې د یاد ولایت د پوهنې مسئولینو سره خبرې اترې وکړې، ورپسې نوموړی د ثانویه او مافوق ثانویه مرحلو آزموینو ځای ته ولاړ او د یادو آزموینو لړۍ یې له نږدې څخه وکتله.

دغه راز؛ نوموړي په دې کتنو کې له مسئولينو وغوښتل، چې د آزموينې روڼتیا او عدالت په جدي ډول مراعت کړي، پر نظم او ډسپلین یې ټینګار وکړ.

همدارنګه د پوهنې وزارت یو شمېر مرکزي رئیسانو هم د هېواد په ولایتونو کې د ثانویه او مافوق ثانویه آزموینو بهیر له نږدې وڅاره او د دغو آزموینو د روڼتیا د تامین په موخه یې مسئولینو او لوړ پوړو څارونکو ته اړین هدایات وکړل.

د يادونې وړ ده، چې نن د پنځمې ورځې لپاره د مدارسو «د ثانویه اومافوق ثانویه مرحلو آزموینې» په ټول هېواد کې په بشپړه بریا سره پلې او دغه لړۍ به د سبا ورځې تر پایه دوام ولري.

تازه خبرونه

یکشنبه ۱۴۰۴/۹/۹ - ۱۰:۴۱
Background image

پروان ولایت کې د یو باب ښوونځي لپاره د ۱۰۰ پایو څوکیو مرسته وشوه

په کابل کې میشتو خیرخواهانو، د پروان ولایت جبل السراج ولسوالۍ اړوند لکار منځني ښوونځي ته د ۷۰ زره افغانیو په لګښت ۱۰۰ پایې څوکۍ وپېرلې او رسماً یې د یاد ښوونځي ادارې ته تسلیم کړې.
د یاد. . .

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

BACK TO NEWS