د زابل ولایت د مدارسو ط.الب العلمانو ترمنځ د قرآن کریم د حفظ او حسن قرائت سیالۍ ترسره شوې
د نجم القرآن تر نامه لاندې د قرآن کریم د حفظ او حسن قرائت هغه سیالۍ چې د پوهنې وزارت د اسلامي زده کړو معينيت له خوا د هېواد په سویلي ولايتونو کې پیل شوې، یادې سيالۍ په زابل ولايت کې دقرآن کريم د ۲۴ تنو حافظانو تر منځ په لاره واچول شوې.
دغه سیالۍ د زابل پوهنې رئیس الحاج مولوي ګل ولي متقي، مسئولینو، د علماوو شورا غړو، یو شمېر استادانو او طلابو په حضور کې په پوره روڼتیا سره د حفظ او حسن قرائت په برخه کې ترسره شوې؛ چې په پایله کې یې له جمال القرآن دارالحفاظ څخه نثاراحمد په حفظ برخه کې او د القرآنیه دارالحفاظ څخه قدرت الله د حسن قرائت برخه کې لومړي مقامونه خپل کړل.
د پوهنې مسئولین دواړو ګټونکو ط.الب العلمانو ته د مبارکۍ ترڅنګ د دوی لپاره د لازیاتو بریاوو دعاء کوي.
