په بامیان ولایت کې رسماً یو باب دیني مدرسه پرانیستل شوه
د بامیان ولایت ورس ولسوالۍ په مرکز کې د محمد مصطفی "صلی الله علیه وسلم" دیني مدرسه چې په غیر رسمي ډول یې فعالیت کاوه، نن د یو لړ مراسمو په ترڅ کې چې د پوهنې رئیس قاري عنایت الله سهار، مسئولینو، علماءکرامو او قومي مخورو پکې ګډون درلود، پرانیستل شوه.
د یاد ولایت پوهنې رئیس د پوهنیز نظام د پياوړتيا په برخه کې د پوهنې وزارت پراختیایي پلانونو او پروګرامونو ته په اشارې سره څرګنده کړه، چې د مدارسو جوړېدل زموږ ديني عقيده لاپسې پياوړې کوي او له بې نظميو او تعصباتو څخه مو راګرځوي.
يو شمېر علماءکرامو او د خلکو استازو هم د علومو پر ارزښت خبرې وکړې او په دې برخه کې يې د پوهنې وزارت د مشرتابه له پاملرنې مننه وکړه.
