په فاریاب ولایت کې د ۱۳.۵ مېلیونه افغانیو په لګښت د ۱۹ بابه مدارسو او ښوونځیو بیارغونې چارې پیل شوې
د فارياب ولايت پوهنې رئيس الحاج مولوي محمد طاهر جواد له خوا، د یاد ولايت په مرکز او ولسواليو کې د ۱۹ بابه دارالعلومونو، مدارسو او ښوونځيو د بيارغونې او ترمیم پروژې په رسمي ډول پيل شوې.
د پوهنې رئيس د څرګندونو له مخې، په تېرو کلونو کې د دغو ښوونیزو مرکزونو ودانۍ د بېلابېلو عواملو له امله يوڅه وېجاړې شوې وې، چې زده کوونکو يې په نامناسب ښوونيز چاپېريال کې زده کړې کولې.
نوموړي څرګنده کړه: د همدغو مدارسو او ښوونځیو د بيارغاونې ټولیز لګښت ١٣،٥ مېليونه افغانۍ اټکل شوی، چې د پوهنې وزارت له بودیجې څخه ورکول کېږي.
بل پلو يو شمېر علماوو او د خلکو استازو د خپلو اولادونو د زده کړو په برخه کې د پوهنې د مشرتابه له پاملرنې قدرداني او خوښي څرګنده کړه.
