د پوهنې وزارت د معلوماتو او احصائیې رئیس د کاپیسا ولایت له تګاب ولسوالۍ څخه لیدنه وکړه
د پوهنې وزارت د معلوماتو او احصائیې رئیس الحاج مولوي بسم الله نعماني چې د کاپیسا ولایت د ښوونیز او روزنیز وضعیت په ارزونې بوخت دی، نن د پوهنې مسئولینو په ملتیا د یاد ولایت تګاب ولسوالۍ ته ولاړ او هلته یې د پوهنې کارکوونکو لپاره له احصائیوي سیمینار څخه لیدنه وکړه.
همدارنګه نوموړي په ادارو کې د کره شمېرو او احصائیو درلودل مهم وګڼل او له ګډون والو یې وغوښتل تر څو د روزونکو له خوا په سیمینار کې له وړاندې شویو معلوماتو څخه اعظمي ګټه پورته کړي.
دغه راز د سيمينار ګډون والو د دغه ډول مسلکي سيمينارونو جوړول د کارکوونکو وړتیا لوړولو او د چارو د لاپرمختګ په برخه کې مهم وبلل او له مسئولينو يې وغوښتل چې په راتلونکي کې هم د دا ډول سيمينارونو په وړاندې کولو کې همکاري وکړي.
