پکتیکا ولایت کې یو باب ښوونځی پرانیستل شو
د پکتیکا ولایت یوسف خېلو ولسوالۍ اړوند د بهلول دانا ښوونځي ودانۍ د دغه ولایت د پوهنې رئیس مولوي عبدالوکیل خالد له خوا پرانیستل شوه.
ياد ښوونځى د شپږو درسي خونو په لرلو سره، د همدې ولسوالۍ د بهلول او کچکول په نومونو د دوو وروڼو په مالي لګښت جوړ شوى، چې د دوه نیم جرېبه ځمکې او ودانۍ ټولیز لګښت یې یو مېلیون او ۵۰۰ زره افغانۍ راغلی دی.
د پوهنې وزارت رهبري د ياد ښوونځي د جوړولو په برخه کې د دغو دوو وروڼو د مرستې له امله مننه کوي.
