د پوهنې وزارت سرپرست په یو رسمي سفر کونړ ولایت ته ولاړ

media-moe
پنجشنبه ۱۴۰۳/۷/۵ - ۱۰:۱۳
asdfgh
د پوهنې وزارت سرپرست الحاج مولوي حبیب الله آغا کونړ ولایت ته د خپل رسمي سفر پر مهال، په داسې حال کې چې د یاد ولایت د پوهنې رئیس مولوي محب الله حیدري او د پوهنې چارواکو یې ملتیا کوله، د همدغه ولایت د څوکۍ، نورګل او نرنګ ولسوالیو د یو شمېر ښوونځیو له مسئولینو، ښوونکو او زده کوونکو سره له نږدې وکتل.
د پوهنې وزارت سرپرست په نورګل ولسوالۍ کې د دوی په ویاړ په جوړه شوې غونډه کې خبرې وکړې او په ټولنه کې یې د پوهنې پر اهمیت د ټینګار ترڅنګ زیاته کړه: په ننني عصر کې د دیني او عصري علومو زده کړه د پرمختګ یوازینۍ لار ده، چې په ترڅ کې یې هېواد او ټولنه پر ځان بسیا کېږي.
د يادو ولسواليو د ښوونیزو بنسټونو مسئولينو او استادانو د پوهنې وزارت د سرپرست سفر یو نېک ګام وباله او د يادو مرکزونو زده کوونکو نوموړي ته د ګلونو ګېډۍ په ورکولو سره ښه راغلاست ووايه.
له بلې خوا د پوهنې وزارت سرپرست یو شمېر ممتاز زده کوونکي د نغدو پیسو په ورکولو سره وستایل.

 

تازه خبرونه

شنبه ۱۴۰۴/۹/۸ - ۱۰:۵۸
Background image

فاریاب ولایت کې د ۱۴ مېلیونه افغانیو څخه په زیات لګښت د ښوونځي ودانۍ ورغول شوه

د فاریاب ولایت په خواجه موسی ولسوالۍ کې د "یکه‌تپه" لومړني ښوونځي نوې ودانۍ د یوې غونډې په ترڅ کې پرانیستل شوه، چې د همدغې ولسوالۍ پوهنې چارواکو پکې هم ګډون درلود.
په یاده ودانۍ کې ۸. . .

پنجشنبه ۱۴۰۴/۹/۶ - ۱۱:۳۲
Background image

د سرپل ولایت پوهنې ریاست کې د مدرسینو مسلکي پراختیا ۱۳ بستونو لپاره ازموینه واخیستل شوه

د سرپل ولایت پوهنې مسئولینو په حضور کې د ښوونکو مسلکي پراختیا ۱۳ بستونو لپاره ازموینه د یو لړ مراسمو په ترڅ کې ترسره شوه.
په دې پروسه کې د ۹۵ ګډون‌والو څخه ۵۶ یې د شرایطو وړ وپېژندل شول. . .

پنجشنبه ۱۴۰۴/۹/۶ - ۱۱:۳۰
Background image

د پوهنې وزارت د دعوت او ارشاد محترم رئیس د فراه ولایت له پوهنې چارواکو سره وکتل

د پوهنې وزارت د دعوت او ارشاد رئیس محترم الحاج مولوي جمعه خان سروري په رسمي سفر فراه ولایت ته لاړ او د یاد ولایت له پوهنې رئیس محترم الحاج مولوي اخترمحمد زعیم او چارواکو سره یې وکتل.
پل. . .

BACK TO NEWS