د پوهنې وزارت د دارالعلومونو رئیس د کابل له عربي دارالعلوم څخه لیدنه وکړه
د پوهنې وزارت د اسلامي زده کړو معینیت د دارالعلومونو رئیس مولوي عبدالقدوس قدوسي او ورسره مل پلاوي، د کابل عربي دارالعلوم د تدریسي او اداري وضعیت ارزونې په موخه، له یاد دارالعلوم څخه لیدنه وکړه.
د پوهنې وزارت پلاوي د دارالعلوم له مسئولينو، استادانو او زده کوونکو سره په کتنه کې لارښوونه وکړه، چې د لاښه تدریس او درسي نظم په رعايتولو سره خلکو او هېواد ته په صادقانه توګه خدمت وکړي.
نوموړي د دغې ناستې په دوام د مسئولینو د ستونزو او وړاندیزونو په حل کې د همکارۍ ژمنه وکړه.
